Жүжигчин МӨНХБАЯР

Жүжигчин Мөнхбаяр нь долоон хүүхэдтэй айлын бага бөгөөд анх эдийн засагч мэргэжилтэй болохоор шийдэж байсан боловч элсэлтийн шалгалтын өмнөхөн урлагийн хүн болохоор сэтгэл шулуудсанаар Ардын жүжигчин Жигжидсүрэн, Хөдөлмөрийн баатар, Ардын жүжигчин Д. Цэрэндагва нарын удирдлага дор КУДС-ыг төгссөн байна. Тэрбээр өдий хүртэл олон киноны гол болон туслах дүрүүдийг бүтээхээс гадна зарим уран бүтээлд туслах найруулагчаар ажиллаж байна. Үүнд онцлон “Гадны нөлөөгүй” уран сайхны кинонд туслах найруулагчаар ажилласан төдийгүй Саруул гэх залуугийн дүрийг чадварлагаар бүтээсэн юм.
Харин энэ онд Түүхэн сэдэвт сонгодог драмын Клеопатра жүжгийн Сицили гаралтай зураач “Аполлодор”-ын дүрд тоглолоо.