МИШИГДОРЖИЙНБАЯРБАТ

Жүжигчин, найруулагч Мишигдоржийн Баярбат 1986 оны арваннэгдүгээр сарын 7-нд төрсөн бөгөөд Соёл урлагийн их сургуулийг төгссөн. «Хэцүү анги» 60 ангит цувралын гол дүрээр өргөн олонд танигдсан.

«Сэнсэн манан» (Сурхаан), «Дурсамж төгсгөл үгүй», «Аз жаргалын шок», «Миний ах атаман», «Хар сувдны нууц», «Зүрхний хилэн», «Маш нууц 2 — Байтаг богд» (Кан Си Зан), «37-р точка» 21 ангит цуврал, «Хамтдаа» 20 ангит цуврал зэрэгт гол дүр бүтээсэн. «Маш нууц 1», «18 нас, би чамд хайртай» кинонд туслах дүр бүтээжээ. Мөн «Цасан охины эрэлд» хүүхдийн жүжигт тоглосон.

«Монгол хүн гэж ямар хүн байх ёстой вэ гэдгийг өөрсдийн уран бүтээлээр ойлгуулахыг хичээдэг. Цөөхөн мөртлөө хоёр том гүрний дунд устаж алга болохгүй байгаа тэр онцлогийг л ойлгуулахыг зорьдог» гэж тэрээр ярьдаг. Урлагт оруулсан хувь нэмрийг нь үнэлж Монгол Улсын Соёлын тэргүүний ажилтан цол хүртээсэн.