БАЗАРЖАВЫННАВЧАА

Жүжигчин, найруулагч, продюсер Базаржавын Навчаа 1977 онд төрсөн бөгөөд монголын дэлгэцийн урлагт эмэгтэй уран бүтээлчийн байр суурийг өөрчилсөн цөөхний нэг юм. Тэрээр 2009 онд «Помогите нам: 23-р хурдан галт тэрэг», 2010 онд «Помогите нам: Хуваарьгүй нислэг» цувралаар үзэгчдийн танил болж, 2011 онд «Рашаантын 18» УСК-нд Ганболорын эгчийн дүрийг бүтээжээ.

Түүний уран бүтээлийн эргэлтийн цэг нь 2013 оны «Ларьдма» болсон бөгөөд тэндээс эхлэн зөвхөн жүжигчин биш, продюсерийн ажлыг давхар хийж эхэлсэн байна. 2017 онд гарсан «Үүр цайгаасай» УСК-г мөн жүжигчин, продюсерээр бүтээж, монгол эмэгтэйн хувь заяаны тухай сэдвийг дэлгэцэнд эмзэглэн харуулсан. Өдгөө «Гажуудал», «Танихгүй ах», «Залхуус», «Хадмын хайр», «Бүтэн амьдрал», «Эхиймаа», «Самарчид», «Girls» зэрэг 30 гаруй кино, олон ангит бүтээлд тоглосон бөгөөд ямар ч дүрд орсон түүний жүжиглэлт үнэн бодит, дулаахан байдгаараа үзэгчдийн хайрыг татсаар байна. Жүжигчин Б.Навчаа сүүлийн жилүүдэд шинэ төрхөөрөө нийгмийн сүлжээнд яригдаж, олон эмэгтэйн урам зориг болж яваа.