Жүжигчин төмөрхуяг

цэгмидийн төмөрхуяг

Жүжигчин

Овог нэр: Цэгмидийн Төмөрхуяг
Төрсөн он: 1962 оны 9-р сарын 11 нд төрсөн
Жил, орд: Бар жилтэй Охины орд
Төгссөн сургууль: УБДС-ийн Кино Драмын анги
Мэргэжил: Жүжигчин
Гавьяа шагнал: (2015) Хөдөлмөрийн гавьяаны улаан тугийн одон (2018-02-14) МУГЖ – Монгол Улсын Гавьяат Жүжигчин
Уран бүтээл: Тэрбээр нийт 100 гаруй кино, 40 орчим жүжигт тоглосон байдаг.

Ц. Төмөрхуяг: ” БУСДЫН ЗҮРХЭЭР НААДАХГҮЙ ЮМ БОЛ ЧИ ЖҮЖИГЧИН БАЙГААД ХЭРЭГГҮЙ”

Жүжигчин Ц. Төмөрхуяг: “Би 1984 онд сургуулиа дөнгөж төгссөн залуухан хүүхэд театрт ороод ажиллаж эхэлсэн. Гайхалтай жүжигчдийг төрүүлдэг, гайхалтай ур чадварыг сойдог, сорьдог газар театр юм шүү дээ. Би театраас л бүтээгдэхүүн болж гарсан. Хэн дуртай хүн театрт ороод тоглоод байдаггүй. Хүчтэй, чадалтай, бяртай хоолойтой цар хүрээтэй тийм хүн яг үнэндээ театрт ажилладаг. Нүсэр том зүйл шүү дээ, Кино бол яахав, монтажаар аргалаад л гаргана. Театрт бол хүн нас барлаа гэхэд орлуулах ямар ч арга байхгүй. Кинонд өөр орлуулах хүн авч ирээд л тоглуулж болно. Тэр хүнтэйгээ хамт оршуулагдаж байдаг нь театрын онцлог юм. Жинхэнэ амьд харилцаа, жинхэнэ аатай хүний л ажилладаг газар. Сэтгэлгээний асар өндөр бяртай хүний хийдэг ажил”.