Жүжигчин номин

Ц. Номин 2019 оны хавар Соёл, урлагийн их сургуулийг жүжигчин мэргэжлээр төгссөн.
Оюутан байх хугацаандаа кино, жүжгийн хэд хэдэн бүтээлд оролцож байв. Сургуулиа төгсөх жилээ “37-р Точка” олон ангит кинонд тоглосон нь түүний цаашдын уран бүтээл, карьерт ихээхэн нөлөө үзүүлсэн юм. Тэрбээр 37-р Точка кинонд тоглохоос өмнө буюу оюутан байх хугацаандаа ,“Хүний цаана”, “Манан зүсэгч”, “One night”, “Hight school” гэх мэт долоон ч кинонд оюутан байх хугацаандаа туслах дүр бүтээжээ.
Тэр “Би өөрийгөө маш азтай гэж боддог. 37-р точка кинонд тоглосноос хойш Фантастик продакшнтай салшгүй холбоотой яваа. Хэн хүнд олдоод байхгүй аз надад тохиосон. Жүжигчний мэргэжлээр төгсөөд шууд л гол дүр авна гэдэг хэцүү шүү дээ. Харин Фантастик продакшны хамт олон надад боломж олгож, зааж сургаж, чиглүүлээд явж байгаад нь маш их талархдаг. Тэр хэрээрээ итгэлийг нь алдахгүй, улам хичээхийг эрмэлздэг”.